VILJOEN GENEALOGIE

Die Viljoen Familieregister is in 1978 gepubliseer deur die RGN (Raad vir Geesteswetenskaplike Navorsing), Pretoria, na afloop van die Viljoenfees wat in 1976 in Stellenbosch gehou was, d.w.s. drie honderd jaar nadat die stamouers, Francois Villion (van Clermont, Frankryk) en Cornelia Campenaar (van Middelburg, Nederland) aan die Kaap van Goeie Hoop in die huwelik bevestig is. Dit is saamgestel deur prof H Christo Viljoen. Die hele oplaag van die familieregister is binne twee jaar uitverkoop.
'n Uiteensetting van die eerste geslagte van die Viljoen familie kan gesien word deur hier te klik.
 
Tans is die oorspronklike opsteller van die Viljoen Familieregister besig met 'n opdatering van die familieregister met die oog op die uitgee van 'n opgedateerde weergawe. Sedert die oorspronklike familieregister verskyn het, het 'n hele nuwe geslag Viljoens bygekom. Aanvullende navorsing na bepaalde vertakkinge van die Viljoen familie het 'n aansienlike hoeveelheid nuwe inligting na vore gebring, foute in die oorspronklike weergawe is gekorrigeer, en die databasis bevat tans sowat 30 000 name. Voortaan word die name van kinders van Viljoen vroue wat met iemand met 'n ander van getrou het, ook in die databasis opgeneem.

Dit is nog nie bekend wanneer die opgedateerde weergawe van die Viljoen Familieregister die lig sal sien nie. Intussen word almal aangemoedig om om hul genealogiese inligting in te stuur vir opname in die nuwe opgedateerde Viljoen Familieregister.deur 'n genealogiese vorm in te vul vir elke manlike Viljoen in hul tak van die familie. Die betrokke vorm kan afgelaai word deur hier te klik. Die instruksies op die vorm is selfverduidelikend.

'n Verkorte Viljoen genealogie vir die eerste ses geslagte kan gesien word by "My Heritage"

Voorblad.